علاج حتقان الصدر عند الاطفال و ودعي البخار نهائيا
السلام عليكم ورحمة الله وبركاته
جبتلكم علاج لاحتقان الصدر وضيق التنفس عند الاطفال ومجرب شخصيا
تعبت بنتي من البرد وصار عندها احتقان فالحلق والصدر وماكانت تقدر تتنفس ولا تقدر تنام من التعب
سويت لها كل شي اعطيتها مضادات حيويه واعشاب ودلكتها بالفكس واعطيتها بخار وكل يوم وانا فالمستشفى
ومع هذا مافيه فايده
الين الوالده الله يحفظها نصحتني فطريقه اسويها لها وقالت انها راح تنفع
وسويتها وقلت بنقل لكم الطريقه
اول شي تاخذي بصله متوسطة الحجم وتشويها على النار مباشره
تخليها عشر دقايق او ربع ساعه بالكثير الين تلاحظي انها انشويت واستوت من الداخل
بعد كذا تقشريها وتزيلي كل الطبقه المحروقه وتقطعي اطرافها وتغسليها
بعد كذا تحطيها فشخاله وتبدي تهرسيها الين تنزل المويا اللي جواتها
هذي هي المويا اللي طلعت منها راح تكون قليله مره ومجرد قطرات
لاترمي باقي البصله المهروسه لسى ماخلصنا ^_^
بعد كذا جيبي ربع فنجان ماء مغلي واسكبيه على البصله وهي فنفس الوعاء وكملي هرس عشان ترجع تتشبع من الماء مره ثانيه
وتزيد الكميه وتصير فالشكل هذا
وبعد كذا اسحبي المويا فالشفاطه المخصصه لطفلك
وخلي طفلك يشربها
كرريها مرتين فاليوم وان شاءالله تشوفي العافيه رجعت لطفلك
ملاحظه: ينفع كمان للرضع
وكمان ينفع للكبار بس بدون هرس يقدروا ياكلونها مباشره
انا جربتها والحمدالله من اول مره خف التهاب الصدر فبنتي وخفت الكحه وصارت تلعب وهي مرتاحه
والبخار ودعته ^_^
وسويتها لها ثاني مره للاحتياط ..
ليست هناك تعليقات:
إرسال تعليق